Allgemein
Das Fasnachts-Comité dankt allen Personen ...
Gigantisch, scheen und wundervoll
Lägg isch unsri Fasnacht toll
E Bombe-Joorgang hänn mr gha
Und dorum kunnt jetz s Dangge dra
Dangge, dass d Drämmli gfahre sin
Dangge firs Serviere duss und din
Dangge firs Butze und firs Fääge
E Dangg an Petrus, dass är dr Rääge
Bis fascht zletscht het könne loo
Und dangge dien mir sowieso
Dr Polizey wo jeder Zyt als ghulfe het
Frindlig, nät und au diskret
Vrby ischs gange jä ruggzugg
Danggbaar luege mir jetz zrugg
Uff die drei Dääg voll Phantasie
Als Droscht hilft villicht, dass scho gly
Dr Bummel kunnt zem nomol schwelge
Denn sin mir nimm so uff de Felge
Und d Fiess mache denn nimm so weh
Härzligscht,
s Fasnachts-Comité
Basel, am 22. Hornig 2024
Hier senden wir dir alle Neuigkeiten rund um die Basler Fasnacht direkt in deine Inbox.